Perfformio, Dawns a Theatr Gerddorol
Os ydych chi’n breuddwydio am serennu ar y sgrin, neu efallai â’ch bryd ar weithio yn yr esgyll, mae ein Rhaglenni Perfformio, Dawns a Theatr Gerdd yn hyfforddi myfyrwyr a’u datblygu i fod yn berfformwyr a gweithwyr y dyfodol. Rydym yn gwneud hyn drwy gynnig addysg gynhwysfawr ar draws y rhaglenni, a’ch galluogi i ganfod pwy ydych chi ac i ffynnu.
Mae’r rhaglenni Perfformio, Dawns a Theatr Gerdd yn cynnig ystod eang o gyfleoedd gyrfa. Mae ein modiwlau wedi’u seilio ar arfer ac yn canolbwyntio ar y proffesiwn, a byddan nhw’n eich paratoi â set o sgiliau technegol cryf, â galluoedd creadigol, ac â dealltwriaeth ddofn o’r diwydiant. Cewch baratoi portffolio helaeth cyn dechrau ar eich gyrfa, gan achub y blaen ar eraill pan fyddwch yn chwilio am waith mewn maes hynod gystadleuol.
Os ydych chi’n angerddol am actio, cerddoriaeth neu ddylunio, mae lle i chi yma. Oherwydd y profiadau ymarferol a’r cysylltiadau â’r diwydiant, cewch ystod eang o gyfleoedd os dewiswch ymuno â ni.
Caerfyrddin yw cartref ein graddau BA Actio a BA Dylunio Setiau. Mae’r rhaglenni hyn yn cyd-fynd a’i gilydd, gan greu gweithluoedd cyflogadwy sydd â digon o brofiad ymarferol i ffynnu yn y diwydiant. Fel myfyriwr yng Nghaerfyrddin, bydd gennych fynediad at weithdai a theatrau ar y campws, a bydd hyn yn eich galluogi i gyfuno eich astudiaethau academaidd gyda phrofiad ymarferol.
Yng Nghaerdydd mae Academi Llais a Chelfyddydau Dramatig Cymru (WAVDA), sef sefydliad sy’n cynnig rhaglenni gradd sy’n darparu techneg gadarn i fyfyrwyr, ynghyd â dealltwriaeth eang o’r diwydiannau creadigol yng Nghymru a thu hwnt. Mae Haywood House yn y Brifddinas yn gampws yn yr arddull conservatoire ac mae ganddi gysylltiadau cryf â Chanolfan y Mileniwm ac â BBC Cymru.
Pam Astudio Perfformio, Dawns a Theatr Gerdd yn PCYDDS?
Spotlights
Cyfleusterau
Mae dewis astudio Perfformio, Dawns a Theatr Gerddorol gyda ni yn golygu dewis cyfleusterau gwych. O fannau stiwdio mawr, ystafelloedd perfformio a lloriau dawnsio yng Nghaerdydd a Chaerfyrddin, i ofod gweithdy mawr ar gyfer myfyrwyr Dylunio Set ar gampws Caerfyrddin, bydd gennych bopeth sydd ei angen arnoch i lwyddo. Mae gennym hefyd labordai cyfrifiadurol ar gyfer ein myfyrwyr Technoleg Cerddoriaeth Greadigol yn Abertawe.
Beth sy’n gwneud PCYDDS yn unigryw?
Dechreuwch eich antur gyda gradd israddedig yn PCYDDS. Cewch eich trochi mewn pwnc sy’n eich ysbrydoli – gan archwilio gwahanol lwybrau gyrfaol ac opsiynau ar gyfer eich dyfodol ar hyd y daith. Beth bynnag fo’ch uchelgeisiau, gwnawn ni eich helpu i fwrw ati’n syth, gyda’ch goliau mewn golwg yn gadarn.